புதுடெல்லி: வக்பு திருத்த மசோதாவினை நாடாளுமன்ற விவாகாரத்துறை அமைச்சர் கிரண் ரிஜிஜு மக்களவையில் தாக்கல் செய்தார். இதையடுத்து, மசோதா மீதான விவாதம் நடைபெற்று வருகிறது.
எதிர்க்கட்சிகளின் அமளிகளுக்கு மத்தியில் இன்று பகல் 12 மணிக்கு மக்களவை சபாநாயகர் ஓம் பிர்லா, அமைச்சர் கிரண் ரிஜிஜுவை வக்பு திருத்த மசோதாவை தாக்கல் செய்யுமாறு அழைத்தார். மசோதா தாக்கல் செய்தவற்கு காங்கிரஸ் எம்.பி. வேணுகோபால் முதல் ஆட்சேபத்தை பதிவு செய்தார். அப்போது, "எந்த ஒரு வேறுபாடும் இல்லாமல், இரண்டு தரப்பிடமிருந்தும் திருத்தங்களுக்கு சமமான நேரத்தை நான் ஒதுக்கியுள்ளேன்" என்று சபாநாயகர் தெரிவித்தார்.
