அரூர்: ஃபெஞ்சல் புயல் மழையின்போது ஏற்பட்ட காட்டாற்று வெள்ளத்தால் சிட்லிங் ஊராட்சி கம்பாலை கிராமத்துக்கு செல்லும் சாலை அடித்துச் செல்லப்பட்டதால் கடந்த 2 மாதமாக மக்கள் பாதிக்கப்பட்டுள்ளனர். உடனடியாக மாற்றுப்பாதை அமைத்தத் தர வேண்டும் என மக்கள் கோரிக்கை விடுத்துள்ளனர்.
தருமபுரி மாவட்டம் அரூர் ஒன்றியத்துக்கு உட்பட்ட சிட்லிங் ஊராட்சியில் கத்திரிப்பட்டி, கம்பாலை, நட்டவளவு, நடுயூர் ஆகிய மலைக் கிராமங்கள் உள்ளன. இதில் கம்பாலை கிராமத்துக்கு செல்லும் வழியில் காட்டாறு செல்கிறது. கிராமத்தில் சுமார் 100 குடும்பத்தினர் வசிக்கின்றனர். இங்குள்ள மாணவர்கள் ஆற்றைக் கடந்து தான் பள்ளிக்கு செல்ல வேண்டும்.
