சென்னை: தனியார் மருத்துவக் கல்லூரி மாணவியின் கல்விக் கட்டணத்தை மாவோயிஸ்ட் செலுத்தியதாகக் கூறி அந்த கட்டணத்தை முடக்கி என்ஐஏ எடுத்த நடவடிக்கையில் தலையிட முடியாது என உயர் நீதிமன்றம் மறுப்பு தெரிவித்துள்ளது.
சென்னையில் உள்ள தனியார் மருத்துவக் கல்லூரியில் மருத்துவம் படிக்கும் மாணவி ஒருவருக்கு, ஜார்கண்ட் மாநில மாவோயிஸ்ட் அமைப்பின் மூலமாக கல்விக் கட்டணம் செலுத்தப்பட்டுள்ளதாகக் கூறி, அந்த தொகையை முடக்கி தேசிய புலனாய்வு முகமை உத்தரவிட்டது. தேசிய புலனாய்வு முகமையின் இந்த உத்தரவை எதிர்த்து அந்த மாணவி சென்னை உயர் நீதிமன்றத்தில் வழக்கு தொடர்ந்திருந்தார்.
