புதுடெல்லி: மில்கிபூர் இடைத்தேர்தலில், பாபர் மசூதி வழக்கின் மனுதாரர் இக்பால் அன்சாரி பாஜகவுக்கு மீண்டும் ஆதரவளித்துள்ளார். அயோத்யாவின் மில்கிபூர் தொகுதியில் அவர் இன்று பிரச்சாரம் செய்தார்.
உத்தரப்பிரதேச மாநிலம் அயோத்யாவிலிருந்த பாபர் மசூதி, கடந்த டிசம்பர் 6, 1992-ல் இடிக்கப்பட்டது. இதை பாஜகவின் தோழமை அமைப்பான விஷ்வ ஹிந்து பரிஷத் கரசேவையினர் இடித்திருந்தனர். ராமர் பிறந்த இடமாக கருதப்படும் இங்கிருந்த கோயிலை இடித்து முகலாய மன்னர் பாபர் அப்போது மசூதி கட்டியதாகப் புகார் கூறப்பட்டது. இந்த விவகாரம் தொடர்பாக சுதந்திரத்துக்கு முன்பிருந்தே நீதிமன்ற வழக்குகள் இருந்தன.
