முல்லைப் பெரியாறு அணை கண்காணிப்புக்காக புதிய குழு நியமிக்கப்பட்டுள்ளது. இதில் கேரள அதிகாரிகள் இடம்பெற்றதற்கு தமிழக விவசாயிகள் எதிர்ப்பு தெரிவித்து வரும் 25ம் தேதி தமிழக எல்லையில் கண்டன ஆர்ப்பாட்டம் நடத்த உள்ளனர்.
முல்லை பெரியாறு அணையில் 152 அடி நீர் தேக்கப்பட்டு வந்த நிலையில் 1979-ம் ஆண்டு அணை பாதுகாப்பற்ற நிலையில் உள்ளதாக கேரளாவில் வதந்தி பரவியது. இதனைத் தொடர்ந்து அணையின் உச்ச நீர்மட்டம் 136 அடியாக குறைக்கப்பட்டது. இதனைத் தொடர்ந்து இருமாநிலங்களுக்கும் அணை தொடர்பான சர்ச்சை தொடங்கியது. 2011-ம் ஆண்டு தமிழக எல்லையில் பெரும் போராட்டம் நடைபெற்றது.
