புதுடெல்லி: பிரதமர் மோடி மற்றும் தொழிலதிபர் அதானியின் உருவம் பதித்த பையுடன் நாடாளுமன்றத்துக்கு இன்று (டிச.10) வருகை தந்திருந்தார் வயநாடு மக்களவை தொகுதியின் உறுப்பினர் பிரியங்கா காந்தி. அதை பார்த்து ரசித்து வரவேற்பைத் தெரிவித்தார் காங்கிரஸ் கட்சியின் எம்.பி-யும், பிரியங்காவின் சகோதரருமான ராகுல் காந்தி.
நாடாளுமன்ற குளிர்கால கூட்டத்தொடர் கடந்த மாதம் தொடங்கியது. அதானி, உ.பி. சம்பல் வன்முறை, மணிப்பூர் நிலவரம் குறித்து விவாதிக்க கோரி எதிர்க்கட்சி எம்.பி.க்கள் தொடர்ந்து அமளியில் ஈடுபட்டு வருவதால் நாடாளுமன்றம் தொடர்ந்து ஒத்திவைக்கப்பட்டு வந்தது.
