கோட்டா: ராஜஸ்தானின் கோட்டாவில் ஐஐடி – ஜேஇஇ நுழைவுத் தேர்வுகளுக்கு மாணவர்களை தயார்படுத்தும் பயற்சி மையங்களில் தற்கொலை சொய்து கொள்ளும் மாணவர்களின் எண்ணிக்கை கடந்த ஆண்டை விட இந்த ஆண்டு குறைந்துள்ளதாக அம்மாவட்ட நிர்வாகம் தெரிவித்துள்ளது.
இதுகுறித்து கோட்டா மாவட்ட ஆட்சியர் ரவிந்திர கோஸ்வாமி கூறுகையில், “கடந்த 2023-ம் ஆண்டை ஒப்பிடுகையில், இந்த ஆண்டில் பயிற்சி மையங்களில் தற்கொலை செய்து கொள்ளும் மாணவர்களின் எண்ணிக்கை 50 சதவீதம் குறைந்துள்ளது. இது தொடர் முயற்சிகளால் பெறப்பட்ட குறிப்பிடத்தகுந்த எண்ணிக்கையாகும். இந்த நிலை எதிர்காலத்திலும் தொடரும் என்று நாங்கள் நம்புகிறோம்.
