“போலீஸாருக்கு நீதிமன்றத்தின் உத்தரவுகளை அமல்படுத்த நேரமில்லாத காரணத்தால் இந்த வழக்கை சிபிஐ விசாரணைக்கு மாற்றுகிறேன்” முன்னாள் அமைச்சர் ராஜேந்திர பாலாஜிக்கு எதிராக தொடரப்பட்ட மோசடி வழக்கின் தொடர் விசாரணையில் தான் ஐகோர்ட் நீதிபதி பி.வேல்முருகன் இப்படி அதிரடி காட்டி இருக்கிறார்.
அதிமுக ஆட்சியில் பால்வளத்துறை அமைச்சராக இருந்த கே.டி.ராஜேந்திர பாலாஜி ஆவினில் வேலை வாங்கித் தருவதாக ரூ.30 லட்சம் பெற்றுக்கொண்டு ஏமாற்றிவிட்டதாக அதிமுக நிர்வாகியான ரவீந்திரன் என்பவர் 2021 நவம்பர் 15-ல் விருதுநகர் குற்றப்பிரிவு போலீஸில் புகார் அளித்தார். அதன் அடிப்படையில் அதிமுக-வைச் சேர்ந்த விஜய் நல்லதம்பி, ராஜேந்திர பாலாஜி உள்ளிட்ட 8 பேர் மீது வழக்கு பதிவு செய்யப்பட்டது.
