புதுடெல்லி: புதுச்சேரியிலுள்ள தேசிய ஆவணக் காப்பகத்தின் ஆவண மையத்தில் 1,800 முதல் 1,900 வரையிலான ராமநாதபுரம் சமஸ்தான ஆவணங்கள் டிஜிட்டல் முறையில் பாதுகாக்கப்பட்டுள்ளன என்று மத்திய அமைச்சர் கலாச்சாரத்துறை அமைச்சர் கஜேந்திர ஷெகாவாத் தெரிவித்தார். இந்த தகவலை, திமுக எம்.பி. டி.ரவிக்குமார் எழுப்பிய கேள்விக்கானப் பதிலில் மக்களவையில் அவர் தெரிவித்தார்.
இது குறித்து விழுப்புரம் தொகுதி எம்.பி.யான டி.ரவிக்குமார் இன்று எழுப்பிய கேள்விகளில்,‘புதுச்சேரி ஆவணக் காப்பு மையத்தில் வரலாற்றுப் பதிவுகள், கையெழுத்துப் பிரதிகள் மற்றும் தொகுப்புகள் உள்ளன. இவற்றை, டிஜிட்டல் மயமாக்கி, அவற்றை ஆன்லைனில் பொதுமக்கள் எளிதில் அணுகக்கூடியதாக பதிவேற்றம் செய்ய அரசாங்கத்திடம் ஏதேனும் திட்டம் உள்ளதா?
