லக்னோ: உத்தர பிரதேச மாநிலம் ஆக்ராவைச் சேர்ந்த தூய்மை பணியாளர் ஒருவருக்கு வருமான வரி துறை ரூ.34 கோடி வரி செலுத்தக் கோரி நோட்டீஸ் அனுப்பிய சம்பவம் பரபரப்பை ஏற்படுத்தியுள்ளது. இவரது மாத வருமானம் 15 ஆயிரம் ரூபாய் மட்டுமே.
சொற்ப வருமானம் ஈட்டும் தொழிலாளர்களுக்கு வருமான வரித் துறை கோடிக் கணக்கில் வரி செலுத்தக் கோரி தவறுதலாக நோட்டீஸ் அனுப்பி பேரதிர்ச்சி கொடுக்கும் சம்பவங்கள் தொடர்கதையாகி வருகின்றன.
