புதுடெல்லி: ‘வட இந்தியாவில் நிலவும் காற்று மாசு பிரச்சினை என்பது ஒரு தேசிய அவசரநிலை. அதற்கு அரசியல் பழிகூறல் விளையாட்டை விட அனைவரின் கூட்டு முயற்சி தேவை’ என்று மக்களவை எதிர்க்கட்சித் தலைவர் ராகுல் காந்தி தெரிவித்துள்ளார்.
இது குறித்து ராகுல் காந்தி வெள்ளிக்கிழமை தனது எக்ஸ் பக்கத்தில் நீண்ட பதிவொன்றை வெளியிட்டுள்ளார். அத்துடன் சூழலியளார் விமலேந்து ஜாவுடனான தான் உரையாடல் வீடியோவையும் இணைத்துள்ளார். ராகுல் தனது பதிவில், “வட இந்தியாவில் நிலவி வரும் காற்று மாசு பிரச்சினை என்பது ஒரு தேசிய அவசரநிலை. நமது குழந்தைகளின் எதிர்காலத்தைத் திருடி, முதியவர்களை மூச்சுத் திணரவைக்கும் பொதுப் பிரச்சினை. எண்ணற்ற உயிர்களை பழாக்கும் சுற்றுச்சூழல் மற்றும் பொருளாதாரப் பேரழிவு.
