சொத்து வரியை கடுமையாக உயர்த்திவிட்டதாக ஆளும் கட்சி மீது மக்கள் அதிருப்திப்பட்டுக் கொண்டிருக்கும் நிலையில், வரி கட்டாதவர்களின் வீட்டு வாசலை பொக்லைனால் தோண்டுவது, குப்பைத் தொட்டியை வைப்பது, வீட்டை ஜப்தி செய்வதாக மிரட்டுவது என வரியை வசூலிக்க அதிகாரிகள் செய்யும் அதிகபட்ச கெடுபிடிகள் ஆளும் கட்சி மீதான மக்களின் அதிருப்தியை மேலும் அதிகரித்து வருகிறது.
திமுக ஆட்சி பொறுப்பேற்ற பிறகு சொத்து வரி, தண்ணீர் வரி, பத்திரப்பதிவு கட்டணம், மின் கட்டணம் உள்ளிட்டவை சுமார் மும்மடங்கு உயர்த்தப்பட்டுள்ளது. அதிலும், வரிகளை எவ்வித முன்னறிவிப்பும் செய்யாமல் ஏற்றிவிட்டு முன் தேதியிட்டு கட்ட வேண்டும் என்று உள்ளாட்சி அதிகாரிகள் கெடுபிடி செய்கிறார்கள். இந்த நிலையில், வரியை வசூலிக்க உள்ளாட்சி அதிகாரிகளும் ஊழியர்களும் அத்துமீறிய நடவடிக்கைகளில் ஈடுபட்டு வருவது மக்கள் மத்தியில் பெரும் அதிருப்தியை ஏற்படுத்தி வருகிறது.
