சேலம்: காஸ் சிலிண்டர் விலை மாதந்தோறும் 1ம் தேதி மாற்றியமைக்கப்படுகிறது. வீட்டு உபயோக காஸ் சிலிண்டர் விலை கடந்த மார்ச் மாதத்தில் இருந்து நடப்பு மாதம் (பிப்ரவரி) வரை மாற்றம் இன்றி ஒரே விலையில் நீடிக்கிறது. இதன்படி, சென்னையில் ரூ. 818.50 ஆக உள்ளது. தொடர்ந்து 12வது மாதமாக நடப்பு மாதமும் வீட்டு உபயோக சிலிண்டர் விலையில் எண்ணெய் நிறுவனங்களின் கூட்டமைப்பு மாற்றத்தை ஏற்படுத்தவில்லை. அதே வேளையில், நேற்று வெளியான புதிய விலைப்பட்டியலில், 19 கிலோ எடை கொண்ட வர்த்தக காஸ் சிலிண்டர் விலை இம் மாதத்திற்கு ரூ. 6 முதல் ரூ. 7 வரை குறைக்கப்பட்டுள்ளது. கடந்த மாதம் வர்த்தக காஸ் சிலிண்டரின் விலை சென்னையில் ரூ. 1,966 என இருந்தநிலையில், ரூ. 6.50 குறைந்து ரூ. 1,959.50 ஆக நிர்ணயிக்கப்பட்டுள்ளது. சேலத்தில் ரூ. 1,914.50 இருந்து ரூ. 6 குறைந்து ரூ. 1,908.50 ஆக நிர்ணயம் செய்யப்பட்டுள்ளது. இதேபோல், டெல்லியில் ரூ. 7 குறைந்து ரூ. 1,797 ஆகவும், மும்பையில் ரூ. 6.50 குறைந்து ரூ. 1,749.50, கொல்கத்தாவில் ரூ. 6 குறைந்து ரூ. 1,907 ஆகவும் விலை நிர்ணயம் செய்யப்பட்டுள்ளது.
The post வர்த்தக காஸ் சிலிண்டர் விலை ரூ. 6.50 குறைப்பு: சென்னையில் ரூ. 1,959.50 நிர்ணயம் appeared first on Dinakaran.
