மறைந்த முன்னாள் பிரதமர் வாஜ்பாய் 100-வது பிறந்தநாள் விழா நேற்று கொண்டாடப்பட்டது. இதையொட்டி, ஆளுநர், முதல்வர், அரசியல் தலைவர்கள் மரியாதை செலுத்தினர்.
இதுதொடர்பாக அவர்கள் வெளியிட்டுள்ள அறிக்கைகளில் கூறியிருப்பதாவது: தமிழக ஆளுநர் ஆர்.என்.ரவி : துணிவு மிக்க மற்றும் தொலைநோக்குப் பார்வை கொண்ட தலைவர், சொற்பொழிவாளர், சிறந்த கவிஞர் மற்றும் அரசியல் ஆளுமையாக விளங்கியவர். தேசப்பாதுகாப்பை வலுப்படுத்துதல், அணுசக்தி திறன்களை மேம்படுத்துதல் மற்றும் மூலோபாய ராஜீய உத்திகளாக வடிவமைக்க வழங்கிய, மாற்றத்தை ஏற்படுத்திய பங்களிப்புகள் இந்தியாவின் உலகளாவிய நிலைக்கு மறுவடிவத்தை கொடுத்தன. நல்லாட்சியின் உண்மையான சாம்பியனான அவரது மரபு, அனைவரையும் உள்ளடக்கிய, வளமான மற்றும் சுயசார்பு பாரதத்தைக் கட்டியெழுப்ப நம்மைத் தொடர்ந்து ஊக்குவித்து வழிகாட்டும்.
