பாரத ஸ்டேட் வங்கிக் கிளையின் லாக்கரை உடைத்து அதில் இருந்த ரூ.15 கோடி மதிப்புள்ள நகைகள் கொள்ளை அடிக்கப்பட்டுள்ளன.
ஆந்திர மாநிலம் வாரங்கல் ராயபர்த்தி பகுதியில் பாரத ஸ்டேட் வங்கியின் (எஸ்பிஐ) கிளை உள்ளது. இக்கிளைக்கு பாதுகாவலர் இல்லாததால், இங்கு கடந்த திங்கட்கிழமை நள்ளிரவு கொள்ளை கும்பலைச் சேர்ந்தவர்கள் தங்கள் கைவரிசையை காட்டி உள்ளனர். முன்னதாக அந்த வங்கியின் அலாரத்துக்கான வயரை துண்டித்துள்ளனர். அதன் பின்னர், வங்கியில் இருந்த ஜன்னலின் கண்ணாடியை உடைத்து, இரும்பு சட்டத்தை அகற்றினர். அதன் பின்னர் அனைவரும் அந்த ஜன்னல் வழியாக வங்கிக்குள் சென்று, அங்கிருந்த கண்காணிப்பு கேமராவின் வயரை துண்டித்துள்ளனர். அதன் பின்னர், வங்கியில் இருந்த 3 லாக்கர்களில் ஒன்றை தங்களுடன் கொண்டு வந்த வெல்டிங் இயந்திரம் மூலம் வெட்டி எடுத்துள்ளனர்.
