புதுச்சேரியில் இதுவரையில் அதிக நாட்கள் முதல்வராக இருந்தவர் தற்போதைய முதல்வர் ரங்கசாமி மட்டும் தான். அடுத்த தேர்தலிலும் முதல்வர் இருக்கையை தக்கவைத்து சாதனையை இன்னும் வலுவாக்க ரங்கசாமி போடும் கூட்டணிக் கணக்குகள் பாஜக-வை பதறவைத்திருக்கிறது.
புதுச்சேரியில் தேசிய ஜனநாயகக் கூட்டணியின் தலைவராக ரங்கசாமி இருக்கிறார். இருந்த போதும் அவரது பல கோரிக்கைகள் மத்திய அரசால் கண்டுகொள்ளப்படாமலேயே இருக்கிறது. அதேபோல், கூட்டணியில் அங்கம் வகிக்கும் பாஜக எம்எல்ஏ-க்கள் வாரியத் தலைவர் பதவிகளை கேட்டு மனு போட்டும் மவுனமாகவே இருக்கிறார் ரங்கசாமி.
