சென்னை: “வேங்கைவயல் விவகாரத்தில் புகார் அளித்தவர்களே குற்றவாளியாக ஆக்கப்பட்டுள்ளனர். எனவே, இந்த வழக்கை யாருக்கும் சந்தேகம் வராத வகையில் ஆய்வு செய்து, மறு விசாரணை நடத்த வேண்டும்,” என்று தமிழ்நாடு காங்கிரஸ் கமிட்டியின் தலைவர் செல்வப்பெருந்தகை கூறியுள்ளார்.
சென்னையில் இன்று செய்தியாளர்களைச் சந்தித்த அவர் “கச்சத்தீவு 285 ஏக்கர் பரப்பளவு கொண்டது. இந்தப் பகுதி வாழத் தகுதியற்ற இடமாகும். அதனால்தான், முன்னாள் பிரதமர் இந்திரா காந்தி இப்பகுதியை இலங்கைக்கு கொடுத்துவிட்டு, அரிய வகை கனிமங்கள், தாது வளங்கள், மீன் வளங்கள், பெட்ரோலிய வளங்கள் மிகுந்த 25 லட்சத்து 60 ஆயிரம் ஏக்கர் பரப்பளவு கொண்ட கடல் பரப்பை இந்தியாவுக்காக பெற்றார். இதைத்தான் ராஜதந்திரம் என்று சொன்னேன்.
