அனிமேஷன் கதாபாத்திரங்களின் உண்மையான பிரியர் என்றால் ஷின்-சான் பெயரை நீங்கள் கேள்விப்படாமல் இருக்க முடியாது. சிறுவர்களின் மிக பிரியமான இந்த கதாபாத்திரத்துக்கு உலகம் முழுவதும் கோடிக்கணக்கான ரசிகர்கள் உள்ளனர். ஷின்-சானின் பிரியர்கள் எவரும் சிவப்பு மற்றும் வெள்ளை செங்கற்களால் தனித்துவமாக கட்டப்பட்ட ஷின்னோசுகே நோஹாராவின் (ஷின்-சான்) சின்னமான வீட்டை எப்போதும் நினைவில் வைத்திருப்பர்.
ஷின்-சானின் தீவிர ரசிகரான 21 வயது ஷென் என்பவர் தற்போது அந்த வீட்டை ரூ.3.5 கோடி செலவில் புதுப்பித்துள்ளது சீனா மட்டுமின்றி உலகம் முழுவதும் பேசுபொருளாகியுள்ளது. கடந்த 2024 ஜூலை மாதம் கட்டுமானப் பணியை தொடங்கிய அவர் ஓராண்டுக்கும் மேலாக ஷின்-சான் வீட்டை புதுப்பிக்கும் பணியில் ஈடுபட்டார். இந்த வீட்டை புதுப்பிப்பதற்கான ஒப்பந்தத்தை இறுதி செய்வதற்காக ஷாங்காய்க்கு ஐந்துக்கும் மேற்பட்ட முறை ஷென் பயணம் செய்துள்ளார்.
