காஞ்சிபுரம் நாராயண குரு ஆசிரமத்தில் 1916-ம் ஆண்டு அமைக்கப்பட்ட மருத்துவமனை 108 ஆண்டுகளாக பொதுமக்களுக்கு இலவச மருத்துவ சேவை செய்து வருகிறது. இங்கு பொதுமக்களிடம் கட்டணம் வசூலிக்கப்படுவதில்லை, மருந்துக்கு மட்டும் கட்டணம் வாங்கப்படுகிறது.
காஞ்சிபுரம் ஆழ்வார் பங்களா அருகே செயல்பட்டு வருகிறது ஸ்ரீநாரயண குரு மடம். ஒரு மதம், ஒரே சாதி, ஒரே கடவுள் என்ற சித்தாந்தத்தை போதித்து கேரளம் உள்ளிட்ட பகுதிகளில் மடங்களை நிறுவினார் நாராயண குரு. இவரது சீடர் கோவிந்தானந்தாவை கடந்த 1914-ம் ஆண்டு காஞ்சிபுரத்துக்கு அனுப்பி வைத்தார்.
