ஜமைக்கா: மேற்கு இந்தியத் தீவுகள் அணிக்கு எதிரான 2-வது டெஸ்ட் கிரிக்கெட் போட்டியில் வங்கதேச அணி 101 ரன்கள் வித்தியாசத்தில் வெற்றி பெற்றது.
ஜமைக்காவில் நடைபெற்று வந்த இந்த போட்டியில் முதல் இன்னிங்ஸில் வங்கதேசம் 164 ரன்களும், மேற்கு இந்தியத் தீவுகள் 146 ரன்களும் எடுத்தன. 18 ரன்கள் முன்னிலையுடன் 2-வது இன்னிங்ஸை விளையாடிய வங்கதேச அணி 59.5 ஓவர்களில் 268 ரன்கள் சேர்த்து ஆட்டமிழந்தது. அதிகபட்சமாக ஜாகர் அலி 91, ஷத்மான் இஸ்லாம் 46 ரன்கள் எடுத்தனர். இதையடுத்து 287 ரன்கள் இலக்குடன் பேட் செய்த மேற்கு இந்தியத் தீவுகள் அணி 4-வது நாள் ஆட்டத்தில் 50 ஓவர்களில் 185 ரன்களுக்கு அனைத்து விக்கெட்களையும் இழந்தது.
