புதுடெல்லி: தொலைதூர இலக்குகளை தாக்கும் ஹைபர்சோனிக் ஏவுகணையை ராணுவ ஆராய்ச்சி மேம்பாட்டு மையம் (டிஆர்டிஓ) ஒடிசா கடற்கரையில் நேற்று முன்தினம் வெற்றிகரமாக சோதனை செய்தது.
டிஆர்டிஓ பல வகையான ஏவுகணைகளை உள்நாட்டு தொழில்நுட்பத்தில் தயாரித்து வருகிறது. இவைகள் முப்படைகளிலும் சேர்க்கப்பட்டு வருகின்றன. வெளிநாடுகளுக்கும் ஏற்றுமதி செய்யப்படுகின்றன. இந்நிலையில் 1,500 கி.மீ அப்பால் உள்ள தூரத்தை தாக்கும் ஹைபர் சோனிக் ஏவுகணையை டிஆர்டிஓ ஹைதராபாத்தில் உள்ள டாக்டர் ஏபிஜே அப்துல் கலாம் ஏவுகணை மையத்தில் உருவாக்கியது. இதன் தயாரிப்பில் டிஆர்டிஓ.,வின் இதர ஆய்வகங்களும் இணைந்து செயல்பட்டன.
