புதுடெல்லி: இந்தியாவில் சில்லறை ஆட்டோமொபைல் விற்பனை 2024-ல் 9.1 சதவீதம் அதிகரித்து 2.61 கோடி வாகனங்கள் விற்பனையாகி உள்ளன.
இந்தியாவில் பல்வேறு வகையான வாகனங்களின் விற்பனை குறித்த தரவுகளை ஆட்டோமொபைல் டீலர்கள் சங்கத்தின் கூட்டமைப்பு (FADA) வெளியிட்டு வருகிறது. அதன் விவரம் வருமாறு: 2024-ம் ஆண்டில் மொத்தம் 2 கோடியே 61 லட்சத்து 7 ஆயிரத்து 679 வாகனங்கள் விற்பனையாகி உள்ளன. 2023ம் ஆண்டில் 2 கோடியே 39 லட்சத்து 28 ஆயிரத்து 293 வாகனங்கள் விற்பனையான நிலையில், 2024ம் ஆண்டில் கூடுதலாக 21,79,386 வாகனங்கள் விற்பனையாகி உள்ளன. 2023 ஆண்டோடு ஒப்பிடுகையில் 2024ம் ஆண்டில் சராசரியாக 9.11 சதவீத வளர்ச்சி ஏற்பட்டுள்ளது.
