மேற்கு இந்தியத் தீவுகள் அணிக்கு எதிரான கடைசி மற்றும் 3-வது டி 20 கிரிக்கெட் போட்டியில் 80 ரன்கள் வித்தியாசத்தில் வெற்றி பெற்ற வங்கதேச அணி தொடரை 3-0 என முழுமையாக வென்றது.
கிங்ஸ்டவுனில் நேற்று முன்தினம் இரவு நடைபெற்ற கடைசி ஆட்டத்தில் முதலில் பேட் செய்த வங்கதேச அணி 20 ஓவர்களில் 7 விக்கெட்கள் இழப்புக்கு 189 ரன்கள் குவித்தது. அதிகபட்சமாக ஜாகர் அலி 41 பந்துகளில், 3 பவுண்டரிகள், 6 சிக்ஸர்களுடன் 72 ரன்கள் விளாசினார். பர்வேஷ் ஹோசைன் 39, மெஹிதி ஹசன் மிராஸ் 29, தன்ஷிம் ஹசன் ஷகிப் 17 ரன்கள் சேர்த்தனர்.
