புதுடெல்லி: கடந்த ஒரு மாதத்துக்கும் மேலாக உண்ணாவிரதம் இருந்து வரும் விவசாயிகள் தலைவர் ஜக்ஜித் சிங் தல்லேவாலை டிசம்பர் 31-ம் தேதிக்குள் மருத்துவமனையில் சேர்க்க வேண்டும் என்று பஞ்சாப் அரசுக்கு கெடு விதித்து உச்ச நீதிமன்றம் உத்தரவிட்டுள்ளது.
பயிர்களுக்கான குறைந்தபட்ச ஆதரவு விலைக்கு சட்டபூர்வ அங்கீகாரம் உள்ளிட்ட விவசாயிகளின் கோரிக்கைகளை ஏற்க வேண்டும் என மத்திய அரசை வலியுறுத்தும் நோக்கில் நவம்பர் 26-ம் தேதி முதல் கனவுரி எல்லையில் ஜக்ஜித் சிங் தல்லேவால் காலவரையற்ற உண்ணாவிரத போராட்டத்தில் ஈடுபட்டுள்ளார்.
