முன்னாள் முதல்வர் எம்ஜிஆரின் நினைவு நாளையொட்டி அவரது நினைவிடத்தில் அதிமுக பொதுச்செயலாளர் பழனிசாமி, முன்னாள் முதல்வர் ஓ.பன்னீர்செல்வம், வி.கே.சசிகலா உள்ளிட்டோர் மலர்தூவி அஞ்சலி செலுத்தினர்.
மறைந்த முன்னாள் முதல்வர் எம்ஜிஆரின் 37-ம் ஆண்டு நினைவு தினம் நேற்று அனுசரிக்கப்பட்டது. இதையொட்டி சென்னை மெரினாவில் உள்ள அவரது நினைவிடம் மலர்களால் அலங்கரித்து வைக்கப்பட்டிருந்தது. அதிமுக பொதுச்செயலாளர் பழனிசாமி மலர்வளையம் வைத்தும், மலர்தூவியும் அஞ்சலி செலுத்தினார். அவருடன் அதிமுக அவைத்தலைவர் தமிழ்மகன் உசேன், முன்னாள் அமைச்சர்கள் சி.பொன்னையன், நத்தம் விஸ்வநாதன், கே.பி.முனுசாமி, எஸ்.பி.வேலுமணி, டி.ஜெயக்குமார், பா.வளர்மதி உள்ளிட்ட பலரும் அஞ்சலி செலுத்தினர்.
