பெங்களூருவில் நடைபெறும் துலீப் கோப்பை கிரிக்கெட் போட்டித் தொடரில் வடக்கு மண்டல அணியின் ஜம்மு-காஷ்மீர் வேகப்பந்து வீச்சாளர் ஆகிப் நபி கிழக்கு மண்டல அணிக்கு எதிராக ஹாட்ரிக் சாதனை புரிந்தார். இதன் மூலம் துலீப் டிராபியில் ஹாட்ரிக் சாதனை புரிந்த ஜாம்பவான் கபில் தேவ் சாதனையைச் சமன் செய்தார் ஆகிப் நபி. இதோடு நில்லாமல் 4-வது விக்கெட்டையும் தொடர்ச்சியாக வீழ்த்தினார் ஆகிப் நபி.
நபியின் ஆக்ரோஷ வீச்சின் ஹாட்ரிக்குக்கு வீழ்ந்த கிழக்கு மண்டல வீரர்கள் விராட் சிங், மனிஷி, மற்றும் முக்தர் ஹுசைன். இது அவர் 4,5,6 ஆகிய பந்துகளில் எடுத்த ஹாட்ரிக் விக்கெட்டுகள், இவரே தன் அடுத்த ஓவரின் முதல் பந்தில் சூரஜ் சிந்து என்பவரையும் வீழ்த்தி தொடர்ச்சியாக 4 பந்துகளில் 4 விக்கெட்டுகளைக் கைப்பற்றினார்.
