புதுடெல்லி: மகாராஷ்டிராவில் ஒரே கட்டமாக நடைபெற்று வரும் சட்டப்பேரவைத் தேர்தலில் மாலை 3 மணி நிலவரப்படி 58.22% வாக்குகளும், ஜார்க்கண்ட் இரண்டாம் கட்ட தேர்தலில் 67.59% வாக்குகளும் பதிவாகி உள்ளன. வாக்குப்பதிவுக்கான நேரம் முடிவடைந்துவிட்டதால், வாக்குகளை பதிவு செய்வது தற்போது முடிவடைந்துள்ளது.
இரண்டு மாநிலங்களிலும் காலை 7 மணிக்கு வாக்குப்பதிவு தொடங்கியது. மாலை 6 மணிக்கு வாக்குப்பதிவு முடிவடைந்தது. 6 மணிக்குப் பிறகு வரிசையில் நிற்பவர்களுக்கு மட்டும் வாக்களிக்க அனுமதி அளிக்கப்பட்டுள்ளது. மும்பை மாநகர் தொகுதியில் 49.07% வாக்குகளும் தானே நகரில் 49.76% வாக்குகளும் பதிவாகி உள்ளன.
