மத்திய அரசு ஊழியர்களுக்கு சம்பளத்தை உயர்த்துவதற்கான 8-வது சம்பள கமிஷன் அமைப்பதற்கான முடிவை மத்திய அமைச்சரவை எடுத்து, அதற்கான அறிவிப்பை வெளியிட்டுள்ளது. நாடு முழுவதும் ஒரு கோடிக்கும் அதிகமான மத்திய அரசு ஊழியர்கள் உள்ளனர். அவர்களுக்கும் அவர்களது குடும்பத்தினருக்கும் மகிழ்ச்சியைத் தரும் அறிவிப்பாக இது அமைந்துள்ளது.
7-வது சம்பள கமிஷன் 2014-ம் ஆண்டு மன்மோகன் சிங் ஆட்சியில் அமைக்கப்பட்டு, 2016-ல் புதிய சம்பள விகிதங்கள் அமல்படுத்தப்பட்டன. 10 ஆண்டுகள் முடியவுள்ள நிலையில், இன்னும் சம்பள கமிஷன் அமைக்கப்படவில்லையே என்று ஏக்கத்தில் இருந்த மத்திய அரசு ஊழியர்கள் அனைவரும் தற்போது உற்சாகம் அடைந்துள்ளனர்.
