சென்னை: “வேங்கைவயல் வழக்கு பட்டியலின மக்கள் மீது வலியத் திணிக்கப்பட்ட வழக்காகவே கருத வேண்டியுள்ளது. குற்றவாளிகாளிகளாக சித்தரிக்கப்பட்டுள்ள மூவரும் நிரபராதிகள் என்று நிரூபிக்கும் வரை என் போராட்டம் தொடரும்” என்று வாய்ஸ் ஆஃப் காமன்ஸ் நிறுவனர் ஆதவ் அர்ஜுனா கூறியுள்ளார்.
இது தொடர்பாக அவர் வெளியிட்டுள்ள அறிக்கையில், ““வேங்கைவயல் கிராமத்தில் பட்டியலின மக்களின் குடிநீர்த் தொட்டியில் மனிதக்கழிவு கலந்த கொடூரத்துக்கு 800 நாட்கள் கழித்து புதிய கதை ஒன்றைக் கட்டமைத்துள்ளது தமிழக காவல் துறை. பட்டியலின மக்களே தங்கள் குடிநீர்த் தொட்டியில் மனிதக் கழிவைக் கலந்து அதை அவர்களே அருந்தியிருக்கிறார்கள் என்ற ‘அரியக் கண்டுபிடிப்பை’ இவ்வளவு நாள் கழித்து துப்பறிந்து கண்டறிந்துள்ளது காவல்துறை.
