புதுடெல்லி: அதானி, சம்பல், மணிப்பூர் விவகாரங்களில் எதிர்க்கட்சிகளின் தொடர் அமளியால் 4-வது நாளாக நாடாளுமன்றத்தின் இரு அவைகளும் முடங்கின.
கடந்த 25-ம் தேதி நாடாளுமன்ற குளிர்கால கூட்டத் தொடர் தொடங்கியது. அமெரிக்க நீதிமன்றம் அதானிக்கு பிடிவாரன்ட் பிறப்பித்த விவகாரம், சம்பல் கலவரம், மணிப்பூர் வன்முறை குறித்து விவாதிக்க வேண்டும் என்று வலியுறுத்தி முதல் நாளில் எதிர்க்கட்சி எம்பிக்கள் அமளியில் ஈடுபட்டனர். அன்றைய தினம் நாடாளுமன்றத்தின் இரு அவைகளும் முடங்கின.
