அரசு வழக்கறிஞர்களின் தவறான செயல்பாடுகளால் கல்வித்துறை சார்ந்த வழக்குகளில் மட்டும் தமிழக அரசுக்கு ரூ. 1,100 கோடி வரை இழப்பு ஏற்பட்டுள்ளதாக வேதனை தெரிவித்துள்ள உயர் நீதிமன்ற நீதிபதிகள், இதன்மூலம் மக்களின் வரிப்பணம் வீணாகுவதாக அரசுக்கு கண்டனம் தெரிவித்துள்ளனர்.
தமிழகத்தில் மணல் குவாரிகளில் நிர்ணயி்த்த அளவைவிட கூடுதலாக மணல் அள்ளியதன் மூலம் கிடைத்த தொகையில் சட்டவிரோத பணப்பரிமாற்றத்தில் ஈடுபட்டதாக அமலாக்கத் துறை அதிகாரிகள் பல்வேறு இடங்களில் சோதனை மேற்கொண்டனர். அதன் தொடர்ச்சியாக 10 மாவட்ட ஆட்சியர்கள், நீர்வளத்துறை மற்றும் பொதுப்பணித்துறை அதிகாரிகளுக்கு அமலாக்கத் துறை சம்மன் அனுப்பி இருந்தது.
