கன்னட சூப்பர் ஸ்டார் சிவ ராஜ்குமாருக்குப் புற்றுநோய் இருப்பது தெரிய வந்ததை அடுத்து கடந்த மாதம் அமெரிக்கா சென்றார். அங்கு புளோரிடாவில் உள்ள மியாமி புற்றுநோய் மருத்துவமனையில் டிச.24-ம் தேதி அவருக்கு அறுவைச் சிகிச்சை செய்யப்பட்டது.
பிரபலமான புற்றுநோயியல் நிபுணர் முருகேஷ் மனோகர் சிகிச்சை அளித்தார். ஒரு மாதகால ஓய்வுக்குப் பிறகு சிவ ராஜ்குமார் பெங்களூருக்கு நேற்று முன் தினம் திரும்பினார். அவரை ஏராளமான ரசிகர்கள் வரவேற்றனர். கர்நாடக மாநில முதல்வர் சித்தராமையா, அவரது இல்லத்தில் நேற்று சந்தித்து உடல் நலம் விசாரித்தார்.
