புதுடெல்லி: எதிர்க்கட்சிகளின் இண்டியா கூட்டணிக்கு தலைமை ஏற்க தயார் என்ற மேற்குவங்க முதல்வர் மம்தாவின் விருப்பத்துக்கு தேசியவாத காங்கிரஸ் கட்சி (எஸ்பி) தலைவர் சரத் பவார் ஆதரவு தெரிவித்துள்ளார்.
கோலாப்பூரில் சனிக்கிழமை செய்தியாளர்களைச் சந்தித்த சரத் பவாரிடம் மம்தாவின் இண்டியா கூட்டணிக்கான தலைமை விருப்பம் பற்றி கேட்கப்பட்டது அதற்கு பதில் அளித்த சரத் பவார், "நாட்டில் உள்ள திறமையான தலைவர்களில் அவரும் ஒருவர். அதனைச் சொல்வதற்கு அவருக்கு உரிமை உள்ளது. நாடாளுமன்றத்துக்கு அவர் அனுப்பியிருக்கும் எம்பிக்கள் கடின உழைப்பாளிகள், விழிப்புணர்வு உடையவர்கள்" என்றார்.
