இந்தோனேசியாவுக்கு பிரம்மோஸ் ஏவுகணையை ஏற்றுமதி செய்வதற்கான ஒப்பந்தம் இறுதி கட்டத்தை எட்டியுள்ளது.
இதுகுறித்து தகவல்கள் தெரிவிப்பதாவது: 290 கி.மீ. வரை சென்று இலக்கை துல்லியமாக தாக்கி அழிக்கும் பிரம்மோஸ் ஏவுகணையை ஏற்றுமதி செய்வது தொடர்பாக இந்தோனேசியாவுக்கும், இந்தியாவுக்கும் இடையே நீண்ட காலமாக பேச்சுவார்த்தை நடைபெற்று வருகிறது. இந்த நிலையில், 450 மில்லியன் டாலர் அதாவது இந்திய மதிப்பில் ரூ.3,870 கோடி மதிப்பிலான இந்த ஏற்றுமதி ஒப்பந்தம் இறுதி கட்டத்தை நெருங்கியுள்ளது.
