உத்தர பிரதேசத்தின் ரசூல்பூர் காவல் நிலையத்தில் 60 குற்றவாளிகள் திருந்தி வாழ்வதாக உறுதி மொழி எடுத்துள்ளனர். அப்போது அவர்கள், தாங்கள் செய்த குற்றங்களை மன்னிக்க வேண்டும் எனவும், இனி அதை செய்ய மாட்டேன் என்றும் தெரிவித்தனர்.
பல்வேறு வித்தியாசமான கிரிமினல் குற்றங்களுக்கு பெயர்போனதாக உ.பி. கருதப்படுகிறது. இந்த அவப்பெயரை போக்கச் செய்யும்படி அதன் 75 மாவட்டங்களின் காவல் துறை அதிகாரிகளுக்கு முதல்வர் யோகி ஆதித்யநாத் உத்தரவிட்டுள்ளார். இதனால், தொடர்ந்து கிரிமினல்கள் மீது கடுமையான நடவடிக்கைகள் எடுக்கப்பட்டு வருகின்றன. இதில், குற்றம் புரிந்தவர்களின் வீடுகள் இடிக்கப்படுவதுடன் அவர்களது சொத்துகளையும் அரசு பறிமுதல் செய்து வருகிறது. அந்த வகையில், சில கிரிமினல்களை அழைத்து பேசி திருந்துவதாக உறுதிமொழி எடுக்க வைப்பதும் தொடங்கி உள்ளது.
