கிருஷ்ணகிரி: ஊத்தங்கரையில் மழைநீரில் அடித்துச் செல்லப்பட்ட சுற்றுலா வாகனங்களுக்கு அரசு இழப்பீடு வழங்க வேண்டும் என அதிமுக பொதுச் செயலாளர் எடப்பாடி பழனிசாமி வலியுறுத்தியுள்ளார்.
கிருஷ்ணகிரி மாவட்டம் ஊத்தங்கரையில் நேற்று இரவு 14 மணி நேரத்துக்கும் மேலாக இடைவிடாத பெய்த மழையால், நீர் நிலைகள் நிரம்பி உபரி நீர் வெளியேற்றப்பட்டது. இந்த தண்ணீர், அண்ணா நகர், ஜீவா நகர் குடியிருப்புப் பகுதிகளில் புகுந்ததால், அங்கு வசித்து வந்த மக்கள் பாதுகாப்பாக மீட்பு முகாம்களில் தங்க வைக்கப்பட்டனர். இந்நிலையில் இன்று (டிச.2-ம் தேதி) வெள்ளம் பாதித்த பகுதிகளில் அதிமுக பொதுச் செயலாளர் பழனிசாமி ஆய்வு செய்து, பாதிக்கப்பட்ட மக்களுக்கு ஆறுதல் கூறினார்.
