சென்னை: ''ஆம்ஸ்ட்ராங் கொலை சம்பவத்தில் பயன்படுத்தப்பட்ட வெடிகுண்டுகள் ஒருவேளை உயர் நீதிமன்ற வளாகத்துக்குள் வெடித்து இருந்தால் என்ன ஆகியிருக்கும்?'' என உயர் நீதிமன்ற நீதிபதிகள் அதிர்ச்சி தெரிவித்துள்ளனர்.
ஆம்ஸ்ட்ராங் கொலை வழக்கில் கைதானவர்களை குண்டர் தடுப்புச்சட்டத்தில் சிறையில் அடைத்த உத்தரவை எதிர்த்து தொடரப்பட்ட வழக்குகள் நீதிபதிகள் எஸ்.எம்.சுப்ரமணியம், எம்.ஜோதிராமன் ஆகியோர் அடங்கிய அமர்வில் இன்று மீண்டும் விசாரணைக்கு வந்தன. அப்போது, தமிழக அரசுத்தரப்பில் ஆஜரான கூடுதல் தலைமை வழக்கறிஞர் பி.குமரேசன், ஆம்ஸ்ட்ராங் கொலை வழக்கில் பயன்படுத்தப்பட்ட வெடிகுண்டுகள் சென்னை உயர் நீதிமன்ற வளாகத்துக்குள் கொண்டு வரப்பட்டது எப்படி என்பது குறித்த விசாரணை அறிக்கையை தாக்கல் செய்தார்.
