மதுரை: தமிழக அரசு மருத்துவமனைகளில் சிடி மற்றும் எம்ஆர்ஐ ஸ்கேன் கட்டணம் மூலம் தமிழ்நாடு மருத்துவ சேவை கழகத்துக்கு 2019-20 நிதியாண்டில் ரூ.72 கோடி வருவாய் கிடைத்த நிலையில், கடந்த ஒரே நிதியாண்டில் (2023-24) மட்டும் ரூ.139 கோடியாக அதிகரித்துள்ளது.
தமிழகத்தில் கிராமப்புற மக்கள் வசதிக்காக கிராமபுற பகுதிகளில் 280-க்கும் மேற்பட்ட அரசு தாலுகா மருத்துவமனைகள், செயல்படுகின்றன. நகரங்களில் மாவட்ட அரசு தலைமை மருத்துமவனைகள், அரசு மருத்துவக் கல்லூரி மருத்துவமனைகள் செயல்படுகின்றன. மருத்துவக்கல்லூரி மருத்துவமனைகளை தவிர்த்து அனைத்து மாவட்ட தலைமை மருத்துவமனைகளில் எம்ஆர்ஐ ஸ்கேன் வசதி ஏற்படுத்த வேண்டும் என்று கடந்த 2017-ம் ஆண்டு பொது நலவழக்கில் மதுரை உயர்நீதிமன்றம் உத்தரவு பிறப்பித்திருந்தது.
