‘நீரின்றி அமையாது உலகு' என 2 ஆயிரம் ஆண்டுகளுக்கு முன்பே திருவள்ளுவர் கூறிவிட்டு சென்றுள்ளார். அவரது கூற்றை மெய்ப்பிக்கும் வகையில் உலகில் பண்டைய கால வாழ்வியல் ஆற்றங்கரைகளின் அருகில் அமைந்திருப்பதை பார்க்க முடிகிறது. இதற்கு இந்தியாவில் அமைந்துள்ள சிந்து சமவெளி நாகரிகம், நைல் ஆற்றின் கரையில் அமைந்துள்ள எகிப்து நாகரிகம் மிகச்சிறந்த எடுத்துக்காட்டுகளாகும்.
தமிழகத்திலும் வைகை, காவிரி ஆற்றங்கரை நாகரிகங்கள் புகழ்பெற்றவை. ஆறுகளால் செல்வ செழிப்புற்ற தமிழகம், மொழிவாரி மாநிலங்கள் பிரிக்கப்பட்ட பிறகு நதிநீர் உரிமைக்காக நீண்ட நெடிய சட்டப் போராட்டங்களை தொடர்ந்து நடத்தி வருகிறது. நீரின் முக்கியத்துவம், தமிழகத்தின் நீர் தேவையை நன்கு அறிந்தவர் முன்னாள் முதல்வர் ஜெயலலிதா. அவர் முதல்வராக இருந்த காலங்களில், மாநிலத்தின் நீர் உரிமையை பெற பெரும் சட்டப் போராட்டங்களை நடத்தியுள்ளார்.
