பண்ருட்டி: பண்ருட்டியில் கண்காணிப்பு கேமரா பொருத்தப்பட்ட நிலையில், பறந்து வந்த கழுகால் திடீர் பரபரப்பு ஏற்பட்டது. இதுகுறித்து போலீசார் விசாரணை நடத்தி வருகின்றனர். கடலூர் மாவட்டம் பண்ருட்டி அடுத்துள்ள சித்திரைச்சாவடி பகுதியில் இன்று காலை பறந்து வந்த கழுகு, அந்த பகுதியில் இருந்த காமன் கோயில் மேலே அமர்ந்தது. அந்தக் கழுகின் முதுகு பகுதி மற்றம் முன் பகுதிகளில் கண்காணிப்பு கேமரா பொருத்தப்பட்டிருந்தது. இதைகண்ட கிராம மக்கள் அதிர்ச்சி அடைந்தனர். இந்த செய்தி காட்டு தீப்போல கிராமத்துக்குள் பரவியது. இதனால் அங்கு பொதுமக்கள் திரண்டனர்.
பின்னர், இதுகுறித்து புதுப்பேட்டை காவல் நிலையத்துக்கு தகவல் தெரிவித்தனர். அதன்பேரில், போலீசார் சம்பவ இடத்துக்கு விரைந்து சென்றனர். அப்போது கழுகு அதே பகுதியில் உள்ள மரத்தின் கிளையின் உச்சியில் உட்கார்ந்துகொண்டிருந்தது. மேலும், தொடர்ந்து இடம் மாறிக்கொண்டே உள்ளது. கழுகு எங்கிருந்து வந்தது, யார் அனுப்பினார்கள்? அதில் உள்ள கேமரா எத்தகைய செயலுக்காக அனுப்பப்பட்டது என்பது குறித்து போலீசார் தீவிர விசாரணை நடத்தி வருகின்றனர்.
The post கண்காணிப்பு கேமராவுடன் பறந்த கழுகு: பண்ருட்டியில் பரபரப்பு appeared first on Dinakaran.
