கோயில் நிதியில் திருமண மண்டபம் கட்டக் கூடாது: உயர் நீதிமன்றம் உத்தரவு

மதுரை: கோயில் நிதியில் திருமண மண்டபம் கட்டுவது தொடர்பான அரசாணையை ரத்து செய்து உயர் நீதிமன்றம் உத்தரவிட்டுள்ளது.

மதுரையைச் சேர்ந்த ராம.ரவிக்குமார், உயர் நீதிமன்ற மதுரை அமர்வில் தாக்கல் செய்த மனுவின் விவரம்: தமிழக சட்டப்பேரவையில் 2024-ல் அறநிலையத் துறை மானியக் கோரிக்கையின்போது, 27 கோயில்களில் ரூ.85 கோடியில் திருமண மண்டபங்கள் கட்டப்படும் என அறிவிப்பு வெளியிடப்பட்டது. இது தொடர்பாக அரசாணையும் பிறப்பிக்கப்பட்டது.