சென்னை: சென்னை மெட்ரோ ரயில் நிறுவனத்தின் சுற்றுலா அட்டை நிறுத்தப்படுகிறது. இதுகுறித்து சென்னை மெட்ரோ ரயில் நிறுவனம் வெளியிட்ட தகவல்: சென்னை மெட்ரோ ரயில் நிறுவனத்தின், ஒருநாள் சுற்றுலா அட்டை மற்றும் 30 நாள் சுற்றுலா அட்டை பிப்.1-ம் தேதி முதல் நிறுத்தப்படுகிறது.
சென்னை மெட்ரோ ரயில் நிறுவனம் அனைத்து பயணிகளுக்கும் தடையற்ற மற்றும் எளிமையான பயணங்களை வழங்கி வருகிறது. சுற்றுலா அட்டைகள் இனி பயன்படுத்த முடியாது என்றாலும், பயணிகள் தங்கள் பயணத் தேவைகளுக்கு டிஜிட்டல் பயணச்சீட்டு முறைகள், க்யூஆர் குறியீடு அடிப்படையிலான பயணச்சீட்டுகள், ஒருமுறை பயண டோக்கன்கள் மற்றும் தேசிய பொது போக்குவரத்து அட்டை உள்ளிட்ட மாற்று பயணச்சீட்டுகளை பயன்படுத்தி மெட்ரோ ரயில்களில் தொடர்ந்து பயணிக்கலாம்.
