ஈஸ்ட் ரூதர்போர்ட்: நடப்பு ஃபிபா கிளப் உலகக் கோப்பை கால்பந்து தொடரின் இறுதியில் பிஎஸ்ஜி அணியை 3-0 என்ற கோல் கணக்கில் வீழ்த்தியது செல்சீ அணி. இதன் மூலம் அந்த அணி சாம்பியன் பட்டம் வென்றது.
அமெரிக்காவில் உள்ள நியூ ஜெர்சியின் ஈஸ்ட் ரூதர்போர்ட் பகுதியில் இந்திய நேரப்படி நள்ளிரவு 12.30 மணிக்கு இந்தப் போட்டி தொடங்கியது. முதல் 10 நிமிடங்களுக்கு பந்தை தங்கள் முழு கட்டுப்பாட்டில் வைத்திருந்தது செல்சீ. அதன் பிறகே செல்சீ அணியின் பாக்ஸுக்குள் பந்தை கொண்டு சென்றது பிஎஸ்ஜி.
