70 வயதுக்கு மேற்பட்டவர்களுக்கான பிரதமரின் ஆயுஷ்மான் பாரத் காப்பீட்டு திட்டம், தமிழகத்தில் அமலுக்கு வராததால் இத்திட்டத்தில் காப்பீட்டு அட்டை பெற்றிருந்தும் சீனியர் சிட்டிசன்கள் சிகிச்சை பெற முடியாத சிக்கல் ஏற்பட்டுள்ளது. தமிழகத்தில் முதலமைச்சரின் விரிவான மருத்துவக் காப்பீட்டுத் திட்டத்துடன், ‘பிரதான் மந்திரி ஜன் ஆரோக்யா யோஜனா’ என்ற திட்டமும் ஒருங்கிணைத்து செயல்படுத்தப்படுகிறது.
முதலமைச்சரின் விரிவான மருத்துவக் காப்பீட்டுத் திட்ட பயனாளியின் குடும்பத்துக்கு ஆண்டுக்கு ரூ.5 காப்பீட்டுத் தொகை வழங்கப்படுகிறது. இதற்கான ஆண்டு வருமானம் ரூ.1.20 லட்சம். இத்திட்டத்தில் 1 கோடியே 45 லட்சம் குடும்பங்கள் இணைந்துள்ளன. தனியார் மருத்துவமனைகளில் ஏழைகள் உயர்தர சிகிச்சை பெறுவதற்காக கொண்டு வரப்பட்ட இந்த காப்பீட்டு திட்டம், காலப்போக்கில் அரசு மருத்துவமனைகளுக்கும் விரிவுபடுத்தப்பட்டது.
