சென்னை: பத்திரப்பதிவுக்கு ஜன.29 (நாளை) மற்றும் ஜன.31 (வெள்ளிக்கிழமை) ஆகிய தேதிகளில் கூடுதல் டோக்கன்கள் வழங்கப்படும் என்று பதிவுத்துறை தலைவர் தினேஷ் பொன்ராஜ் ஆலிவர் தெரிவித்துள்ளார்.
இதுகுறித்து அவர் வெளியிட்ட செய்திக்குறிப்பு: மங்களகரமான தினங்கள் என கருதப்படும் நாட்களில் அதிகளவில் பத்திரப்பதிவுகள் நடைபெறும் என்பதால், அன்றைய தினங்களில் பொதுமக்களின் கோரிக்கையை ஏற்று பதிவுக்கான கூடுதல் டோக்கன்கள் ஒதுக்கப்படுகிறது. தற்போது தை அமாவாசை நாளான ஜன.29-ம் தேதி மற்றும் தை மாதத்தின் மங்களகரமான தினமான ஜன.31-ம் தேதி ஆகிய நாட்களில் அதிகளவில் பதிவுகள் நடைபெறும் என்பதால், கூடுதலான டோக்கன்கள் ஒதுக்கும்படி பொதுமக்களிடம் இருந்து கோரிக்கைகள் பெறப்பட்டுள்ளன.
