திருப்பதி: திருப்பதி ஏழுமலையான் கோயிலில், வைகுண்ட ஏகாதசியை முன்னிட்டு இன்று காலை 5 மணிக்கு சொர்க்கவாசல் திறக்கப்பட்டது. வரும் 19-ம் தேதி வரை பக்தர்களுக்கு சொர்க்கவாசல் தரிசனம் நடைபெறுகிறது.
இதற்காக ஆன்லைன் மூலம் ரூ.300 சிறப்பு தரிசன டிக்கெட் மற்றும் ஸ்ரீவாணி அறக்கட்டளை டிக்கெட்டுகளை திருப்பதி தேவஸ்தானம் ஏற்கெனவே விநியோகம் செய்துவிட்டது. இந்நிலையில், நேற்று அதிகாலை 5 மணி முதல் திருப்பதியில் 8 இடங்கள், திருமலையில் ஒரு இடத்தில் இலவச தரிசன டோக்கன்களை பக்தர்களுக்கு விநியோகம் செய்யப்படும் என அறிவிக்கப்பட்டது.
