மதுரை: மதுரை திருப்பரங்குன்றத்தில் பாஜக மாநிலத் தலைவர் அண்ணாமலையின் சுவர் ஓவியங்கள் வரையப்படுகிறது. எனவே, இந்தத் தொகுதியில் அண்ணாமலை போட்டியிட வாய்ப்புள்ளதாக அரசியல் வட்டாரத்தில் பேசப்படுகிறது.
திருப்பரங்குன்றம் நாட்டின் முக்கிய ஆன்மிக தலமாக திகழ்கிறது. இங்குள்ள மலைமீது சுப்ரமணிய சுவாமி கோயில் அமைந்துள்ளது. இது அறுபடை வீடுகளில் முதல் வீடாகும். சமீப காலமாக இந்த மலை மீது அமைந்துள்ள சிக்கந்தர் பாதுஷா தர்காவில் ஆடு, சேவல் பலியிடப் போவதாக ஒரு சில முஸ்லிம் அமைப்புகள் அறிவித்து ஊர்வலம் சென்றதன் பேரில், மதரீதியான பதற்றம் உருவாகியுள்ளது. இதனால், பாஜகவினருக்கும், இந்து அமைப்பினருக்கும் இடையே உரசல் ஏற்பட்டுள்ளது.
