துருக்கியின் போலு மலையில் அமைந்துள்ள கிராண்ட் கர்தால் நட்சத்திர ஹோட்டலில் செவ்வாய்க்கிழமை (ஜன.21) அதிகாலை 3.30 மணியளவில் திடீரென தீ விபத்து ஏற்பட்டுள்ளது. ஹோட்டலில் இருந்த எச்சரிக்கை அலாரம் செயல்படாததால் தீ அதிகளவில் பரவும் வரை அங்கிருந்தவர்களுக்கு அது குறித்து தெரியவில்லை.
கடும் புகை காரணமாக மூச்சுத் திணறல் ஏற்படவே அங்கு தங்கியிருந்த சுற்றுலா பயணிகள் பலரும் அலறியடித்து ஓடத் தொடங்கினர். 12 தளங்களைக் கொண்ட அந்த ஹோட்டலில் மொத்தம் 234 பேர் தங்கி இருந்ததாக கூறப்படுகிறது. தீயிலிருந்து தப்பிக்க பலரும் ஜன்னல் வழியாக கீழே குதித்ததாக அதிகாரிகள் தெரிவிக்கின்றனர்.
