புதுடெல்லி: துப்பாக்கி சுடும் வீராங்கனை மனு பாக்கர், செஸ் உலக சாம்பியன் டி. குகேஷ், இந்திய ஹாக்கி வீரர் ஹர்மன்பிரீத் சிங், பாராலிம்பிக்கில் பதக்கம் வென்ற பிரவீன் குமார் ஆகியோர் நாட்டின் மிக உயரிய விளையாட்டு விருதான மேஜர் தியான்சந்த் கேல் ரத்னா விருதினை, குடியரசுத் தலைவர் திரவுபதி முர்முவிடமிருந்து பெற்றனர்.
குடியரசுத் தலைவர் மாளிகையில் இன்று (ஜன.17) நடைபெற்ற தேசிய விளையாட்டு விருது வழங்கும் விழாவில், 4 பேருக்கு மேஜர் தியான்சந்த் கேல் ரத்னா விருது, 32 பேருக்கு அர்ஜுனா விருது, பயிற்சியாளர்களுக்கு வழங்கப்படும் துரோணாச்சாரியார் விருது ஆகியவற்றை குடியரசுத் தலைவர் திரவுபதி முர்மு இன்று(ஜன. 17) வழங்கினார்.
