புதுடெல்லி: தேர்தல் நடத்தை விதிமீறல் புகார்கள் தொடர்பாக பாஜக, காங்கிரஸ் கட்சிகள் திங்கள்கிழமை மதியத்துக்குள் பதில் அளிக்க வேண்டும் என்று தலைமை தேர்தல் ஆணையம் நோட்டீஸ் அனுப்பி உள்ளது.
ஜார்க்கண்டில் கடந்த 13-ம் தேதி முதல்கட்ட சட்டப்பேரவைத் தேர்தல் நடைபெற்றது. அந்த மாநிலத்தில் வரும் 20-ம் தேதி இரண்டாம் கட்ட தேர்தல் நடைபெற உள்ளது. மகாராஷ்டிராவில் ஒரே கட்டமாக 20-ம் தேதி சட்டப்பேரவைத் தேர்தல் நடைபெற உள்ளது. இரு மாநிலங்களிலும் பாஜக, காங்கிரஸ் தலைவர்கள் தீவிர பிரச்சாரத்தில் ஈடுபட்டு வருகின்றனர்.
